Тукай районында Әфган сугышы геройларына истәлекле мемориаль такталар ачу тантанасы узды

2020 елның 21 сентябре, дүшәмбе

Тукай районында сугышчы - интернационалистлар инициативасы һәм ярдәме белән Әфган сугышы геройларына истәлекле мемориаль такталар ачу тантанасы узды. Мемориаль такталарны Борды һәм Түбән Суыксу авыл җирлекләрендә Кузьма Левашов, Рамил Мифтахов һәм Марсель Кыямов ачтылар.

  Сугыш хәрәкәтләрендә катнашучыны искә алырга Тукай муниципаль районы Башкарма комитеты җитәкчесенең социаль мәсьәләләр буенча урынбасары Илфак Бариев,авыл җирлекләре башлыклары  һәлак булган сугышчыларның туганнары, сугышчы-интернационалистлар, авыл халкы килгән иде.