Ана капиталына сертификатлар тапшырдылар!
30 сентябрьдә Тантаналар сараенда ана капиталына сертификатлар тапшыру тантанасы булды. Гаиләләрне котлап, ЗАГС идарәсе башлыгы Равиля Зарипова һәм Пенсия фонды идарәсе башлыгы, шәһәр Советы депутаты Эдуард Фәттахов сертификатлар тапшырдылар. Бу көнне сертификатларга 2 Тукай гаиләсе ия булды.
Исегезгә төшерәбез, ана капиталы программасы 2007 елдан бирле гамәлдә. Тукай районында ана капиталына 3 меңнән артык сертификат бирелгән, 2,6 мең гаилә 1,2 млрд. сумлык акча белән эш иткән. Акчалар белән биш юнәлеш буенча эш итәргә мөмкин: торак шартларын яхшырту, балалар өчен белем бирү хезмәтләре өчен түләү, ананың булачак пенсиясен булдыру, инвалид балалар җәмгыятенә социаль адаптация һәм интеграцияләү өчен товарлар һәм хезмәт күрсәтүләр түләү, 2018 елның 1 гыйнварыннан соң икенче бала туган (уллыкка алынган) мохтаҗ гаиләләргә айлык түләү.
2020 елда ана (гаилә) капиталы суммасы: - 466 617 сум, икенче бала 2007 елдан 2019 елга кадәрге чорда туса; - 2020 елның 1 гыйнварыннан беренче бала туса, 466 617 сум; - Икенче бала 2020 елның 1 гыйнварыннан туган булса, 616 617 сум. *яки өченче яки аннан соңгы балалар өчен, әгәр элегрәк гаиләнең ана капиталына хокукы барлыкка килмәгән булса. Гаиләләргә ярдәм итү программасы 2026 елга кадәр озайтылды, ягъни сертификатка хокук бирә торган баланың 2026 елның 31 декабренә кадәр тууы яисә уллыкка алынуы кирәк. Шул ук вакытта, элеккеге кебек үк, сертификат алу һәм аның чаралары белән эш итү чикләнмәгән. Хәзер сертификат бирү, МСК чаралары белән эш итү турындагы гаризаларны гражданинның шәхси кабинеты аша электрон рәвештә ПФР сайтында www.pfrf.ru электрон рәвештә тапшырырга мөмкин.
