Татарстанның 25 меңнән артык гаиләсе түбән керемле гаиләләр өчен яңа түләү алды

Президент йөкләмәсе буенча керемнәре аз булган гаиләләр өчен яңа түләүне 8-17 яшьлек 25 мең татарстанлының ата-аналары алган, аларның 8,5 меңнән артыгы «күп балалы»статусына ия. Татарстанда гаиләләргә 625 млн. сумнан артык акча түләнгән инде.

Кагыйдәләр буенча, түләү өчен гаризалар 30 эш көненә кадәр каралырга мөмкин. Гаилә кабул ителгән карар турында шәхси кабинетка тиешле хәбәрнамә алачак. Түләү хупланган очракта, акча гариза бирүче счетына 5 эш көне эчендә күчәчәк. Түләү өчен гаризаны дәүләт хезмәтләре порталында, РПФ һәм КФҮ клиент офисларында бирергә мөмкин.

Исегезгә төшерәбез, түләү гаиләнең җан башына уртача кереме төбәктәге кешегә яшәү минимумыннан кимрәк булган очракта, гаилә милке билгеләнгән таләпләрдән артмаган очракта, ә ата-аналарның расланган кереме яки аның нигезле сәбәбе булган очракта, гаиләләргә ихтыяҗны комплекслы бәяләү нәтиҗәләре буенча билгеләнә.

Яңа түләү күләме дә ата-аналар кеременә бәйле, ул Татарстанда Бала яшәү минимумының 50%, 75% яки 100% ын тәшкил итәргә мөмкин.

Яңа кулланма турында тулыракПодробнее