Яр Чаллы шәһәренең хезмәт ветераннары өчен пансионатта ял итүчеләр өчен чара уздырылды
Яр Чаллыда яшәүчеләр бакча сезоны башлануга карамастан, үзләренең кулланучылар белемнәрен арттыруны дәвам итә. Чаллы территориаль органы хезмәткәрләре атна саен базарларда кизү торулар, сәүдә үзәкләрендә консультация өстәлләре, мәктәп укучылары һәм өлкән буын белән очрашулар үткәрәләр. Мондый чаралар шәһәр халкының хокукый белемен арттыру максатыннан үткәрелә.
Эчке базарны үстерү һәм координацияләү бүлеге белгечләре Яр Чаллы шәһәренең хезмәт ветераннары өчен пансионатта ял итүчеләр белән чираттагы очрашуны уздырды. Чарада катнашучыларның барысына да сыйфатсыз товарны сатканда һәм сатып алганда кулланучыларның төп хокуклары һәм бурычлары аңлатылды. Кулланучылар «Кулланучылар хокукларын яклау турында» 07.02.1992 елның 2300-1 номерлы РФ Законы, РФ Хөкүмәтенең 2463 карары белән расланган Товарларның аерым төрләрен сату кагыйдәләре бүлекләре белән таныштылар.
Бу көннәрдә пансионатта 30дан артык кеше ял итә, барысы да чарада актив катнаштылар. Күп кенә катнашучыларның үз тормышыннан төрле хәлләргә кагылышлы сораулары булды. Мәсәлән, дару препаратлары, медицина әйберләре, сыйфатсыз азык-төлек товарлары алмашырга яки кире кайтарылырга тиешме?
Чарада катнашучыларның барысына да белгечләр тарафыннан кулланучылар базарына кагылышлы сорауларга квалификацияле һәм тулы җаваплар бирелде, Татарстан Республикасы Дәүләт алкоголь инспекциясе тарафыннан эшләнгән кулланучылар өчен белешмәлекләр өләшенде.
Чара дустанә һәм иркен атмосферада узды. Пансионат администрациясе, үз чиратында, Татарстан Республикасы Дәүләт алкоголь инспекциясенең Яр Чаллы территориаль органына белгечләрнең шәһәр халкының белем дәрәҗәсен арттырулары өчен рәхмәт белдерде.
Татарстан Республикасы Дәүләт алкоголь инспекциясенең
Яр Чаллы территориаль органы