Тукай муниципаль районы

Район участковыйларына тавыш бирергә ашык!

2013 елның 13 сентябре, җомга

Россия Эчке Эшләр Министрлыгы “Халык участковые–2013” Бөтенроссия конкурсы игълан итте. Өченче тапкыр үткәрелә торган конкурсның төп максаты–халыкның полиция хезмәткәрләренә карата ышанычын арттыру, абруйларын күтәрү, полиция участок уполномоченныйларының эшчәнлеге турында җәмгыятьтә уңай фикер формалаштыру. Иң яхшы инспекторны халык Интернет аша тавыш биреп сайлый. Бу иң җаваплы участоктагы полиция хезмәткәрләренең эшен бәяләүдә җәмгыять һәм эчке эшләр органнарының үзара хезмәттәшлегенең бер ачык мисалы булып тора.

Бүгенге көндә безнең район эчке эшләр бүлегендә 19 участок уполномоченные исәпләнә. Алар үзләре җаваплы территорияләрдә тәүлек әйләнәсе халык белән эшлиләр, авыр вакытларда беренче булып ярдәмгә киләләр, көнкүрештәге җинаятьчелекне, алкоголизм, наркоманияне, балалар арасында сукбайлыкны профилактикалау белән шөгыльләнәләр. Бүгенге көндә һәр дүртенче җинаять участковый тарафыннан яки аның ярдәме белән ачыла.

Район буенча иң яхшы участок инспекторын сайлау 20 сентябрьгә кадәр дәвам итә. Үзегезгә охшаган участок уполномоченныена тавыш бирү өчен сайтка ( tukai.tatarstan.ru) хат җибәрергә кирәк. Анда участок уполномоченныеның исеме, фамилиясе, атасының исеме һәм кайсы административ участокка хезмәт күрсәтүе язылырга тиеш.

Тавыш бир!

БАРЛЫК ЯҢАЛЫКЛАРНЫ УКУ