Дәүләт программасы гамәлдә булган чорда татарстанлылар 36 меңнән артык ташламалы ипотека рәсмиләштергән
Мондый мәгълүматларны Татарстан Росреестры китерә, республика территориясендә дәүләт ярдәме белән ипотека кредиты программасының гамәлдә булуын анализлап (2020 елның маенда)
Шул вакыт аралыгында Татарстанда 36 170 ипотека теркәлгән, шуларның 1805 е быел. Ташламалы ипотека дәүләт программасын гамәлгә ашыруга бәйле рәвештә дәүләт теркәвенә алуга кагылышлы гаризаларның күпчелек өлеше төзелештә өлешле катнашу шартнамәләренә - 30 158 туры килә, алга таба сату-алу килешүләре - 4 207 һәм таләп итү хокукын бирү турындагы килешү - 1 764.
"Яңа төзелешләргә дәүләт ярдәме белән ипотека күчемсез милек базарында иң популяр дәүләт программасы булып тора. Аны 2020 елда эшләтеп җибәрделәр һәм инде берничә тапкыр озайттылар. Агымдагы елда ике ай эчендә - гыйнвар һәм февраль айларында - безнең ведомство тарафыннан 1800 ташламалы ипотека теркәлгән. Бер ел элек шундый ук вакыт эчендә 1300 шундый ипотека теркәлгән иде. Димәк, үсеш 38 % чамасы тәшкил итте», - дип хәбәр итте Татарстан Росреестры җитәкчесе урынбасары Лилия Борһанова.