Язгы яллар күңелле, фаҗигаләрсез узсын

2024 елның 22 марты, җомга

Иртәгәдән мәктәпләрдә язгы каникул башланачак. Кояшлы матур көннәрдә балалар урамда, елга буйларында уйнарга ярата. Уен белән мавыгып боз өстенә дә керергә мөмкиннәр. Ә бу бүген гаять куркыныч. Язгы боз ястык калынлыгы булса да ышанма, диләр бит. Шуңа күрә бу хакта балаларга яхшылап аңлатырга, бозның чыдамсыз булуы хакында кат-кат кисәтергә кирәк.

Бу хакта районның балигъ булмаганнар белән эшләү комиссиясе дә искәртә.

Шулай ук юл йөрү һәм янгын куркынычсызлыгы кагыйдәләрен кат-кат исәртеп тору да комачау итмәс. Яллар күңелле, фаҗигаләрсез узсын.

Балаларның язгы каникуллары 2 апрель көненә кадәр дәвам итәчәк.  

Фото: ачык чыганаклардан..