Яңа ФАП төзелә
Тукай районында сәламәтлек саклауны модернизацияләү һәм медицина хезмәткәрләре өчен уңайлы шартлар тудыру проектлары гамәлгә ашырыла. «Сәламәтлек саклау» милли проектын һәм беренчел звеноны модернизацияләү программасын гамәлгә ашыру кысаларында Тукай районында агымдагы елда берничә мөһим чара башкарылачак. Шуларның берсе - Калмаш авылында модульле технология буенча яңа ФАП төзү. Әлеге проект авыл халкын сыйфатлы медицина хезмәтләре белән тәэмин итәргә һәм медицина ярдәменнән һәркем файдалануга мөмкинлек бирәчәк. Моннан тыш, Яңа бистәдә 6,7 млн сумлык фельдшер-акушерлык пунктына капиталь ремонт ясау планлаштырылган. Бу медицина персоналы эше һәм пациентларны кабул итү өчен уңайлы шартлар тудырып, пункт биналарын яңартырга һәм төзекләндерергә мөмкинлек бирәчәк. Шулай ук беренчел звеноны модернизацияләү программасы кысаларында Татарстан бистәсендә табиблык амбулаториясенең фасадын тышлау планлаштырыла. Ел дәвамында амбулаториягә медицина җиһазлары кайтару көтелә. Бу күрсәтелә торган медицина хезмәтләре спектрын киңәйтергә һәм медицина ярдәме сыйфатын арттырырга мөмкинлек бирәчәк. Яңа объектлар төзү һәм булганнарга капиталь ремонт ясау халыкны кабул итү өчен уңайлы шартлар тудырырга мөмкинлек бирәчәк. Бу чаралар Тукай районында сәламәтлек саклауны үстерүдә мөһим адым булып тора һәм халыкның тормыш сыйфатын яхшыртуга ярдәм итә.