Әлфия Когогина: Гражданнар банктан залогка алынган мөлкәтне отышлы бәягә сата алачак
Дәүләт Думасы депутаты, кече һәм урта эшкуарлык комитеты рәисенең беренче урынбасары Әлфия Когогина болай дип аңлатма бирде: «Без кабул иткән инициатива гражданга банк залогында булган мөлкәтне максималь отышлы бәядән мөстәкыйль сату мөмкинлеге бирә. Бүген моны бары тик ачык сату яки аукцион аша гына, сатуны оештыручының хезмәтләре өчен өстәмә түләп (мөлкәт бәясенең 3 процентына кадәр), ә кайбер очракларда башкарма җыем (мөлкәт бәясенең 7 проценты) һәм бәяләүче эше белән дә эшләргә мөмкин. Мондый очракта милек түбән, базар бәясенә туры килмәгәнчә сатыла, бу катлаулы тормыш ситуациясендә кеше өчен икеләтә гаделсез.
Закон нигезендә банк гражданга дүрт ай дәвамында гражданның бурычының калган суммасыннан ким булмаган бәягә мөстәкыйль рәвештә милекне сатуга рөхсәт бирә. Аннары өч яклы килешү төзелә, ул банкка түләүләрне тулысынча компенсацияләүне тәэмин итә.