Гомер матур үтәр, агач шаулап үсәр-диярбез

“Агач утырту көне“ дип аталган республика акциясе кысаларында безнең районда да 3400 төп агач утыртылды. Бу әһәмиятле чара узган җомга көнне Круглое Поле, Бәтке, Новотроицкое, Түбән Суыксу һәм Теләнче Тамак авыл җирлекләрендә үтте. Әлеге эшкә 250ләп кеше җәлеп ителде. Агач утыртырга авылларның бюджет хезмәткәрләре, торак-милекчелек ширкәтләрендә эшләүчеләр, мәктәп укучылары чыкты.Шулай ук бу чарада ветераннар белән беррәттән “Татарстан“ совхозы поселогы урманчылыгы участок урманчысы Эдуард Петров һәм урман эше буенча мастер Ирек Сафин катнаштылар.

   Матурлыкны саклау, табигатькә зыян салмау – һәрберебезнең эше. Хезмәтебез бушка китмәсен, бер эшләгән урында кабат эшләргә туры килмәсен, диләр урман хуҗалыгы хезмәткәрләре.