Бүген район хакимиятендә атналык киңәшмә узды

2024 елның 24 июне, дүшәмбе

Бүген район хакимиятендә Башкарма комитет җитәкчесе Айрат Хәбибуллин белән берлектә хокук саклау органнары вәкилләре һәм җитәкчеләре белән атналык киңәшмәне Тукай районы Башлыгы вазыйфаларын вакытлыча башкаручы Рөстәм Закиров үткәрде.

Район территориясендәге оператив хәл турында доклад белән полиция начальнигы урынбасары Рафис Шәйхетдинов чыгыш ясады.

Район башкарма комитеты җитәкчесенең икътисад һәм эшкуарлыкны үстерүгә ярдәм итү буенча беренче урынбасары Гөлнара Галимова сәнәгать паркларының инвестицион эшчәнлеге һәм үсеше турында сөйләде.