Россиядә 19 миллионнан артык мәктәп укучысы түгәрәкләргә һәм секцияләргә йөри
2022/23 уку елында мәктәп техник һәм табигый-фәнни түгәрәкләренең популярлыгы рекордын арттырды. Беренче тапкыр аларга язылган егетләрнең саны һәр юнәлеш буенча 3 млн га якын тәшкил итте. 2,8 млннан артык укучы техник юнәлешне сайлаган, 2,9 млннан артык бала - табигый-фәнни юнәлешне.
Бөтен ил буенча "Мәгариф" илкүләм проекты буенча авыл җирлегендә уку йортлары базасында һәм зур булмаган шәһәрләрдә "Үсеш ноктасы" үзәкләре ачылуны дәвам итә, алар балаларга заманча технологияләр белән танышырга һәм үзләрен гадәти булмаган һөнәрләрдә сынап карарга ярдәм итә. Бүген кече торак пунктларның яшь кешеләре өчен инде 17 меңнән артык "Үсеш ноктасы" үзәге булдырылган.
Татарстанда проект инде алтынчы ел гамәлгә ашырыла. Республикада 436 «Үсеш ноктасы» исәпләнә, тагын 72 үзәк авыл мәктәпләрендә быел ачылачак. Алар физика, химия һәм биология буенча белем бирү сыйфатын яхшырту өчен шартлар тудырачак. Заманча җиһазлар көндәлек дәресләр үткәрүне камилләштерергә ярдәм итә һәм белем бирү сыйфатына йогынты ясый.
Агымдагы елда тагын бер шундый үзәк Яр Чаллыда ачылачак. Үзәкләр техник юнәлешле өстәмә белем бирү программалары буенча эшли, заманча цифрлы технологияләр һәм информатика буенча чаралар үткәрә, укучыларны ясалма интеллект технологияләре белән таныштыра.