Район яшьләре «Конструктив диалог» үткәрде
Очрашуда Новотроицк һәм Комсомол мәктәбенең 7-11 сыйныф укучылары катнашты. «Конструктив диалог» проекты яшьләр арасында экстремизмны һәм террорчылык идеологиясен профилактикалау буенча киңрәк инициативаның бер өлеше булып тора.
(1).jpeg)
Чарада цифрлы гигиена һәм интернетта куркынычсызлыкны саклау, яшьләрне деструктив бергәлекләргә җәлеп итүне кисәтү, авыр тормыш хәлендә кешегә ярдәм итү, вербовщикларның хәйләләрен тану һәм башкалар кебек төрле темалар күтәрелде.
(1).jpeg)
«Конструктив диалог» проекты ТР Иҗади яшьләр академиясе тарафыннан ТР Яшьләр министрлыгы һәм мәгариф министрлыгы белән берлектә ТРда Террорчылыкка каршы комиссия аппараты һәм «Татнефть»хәйрия фонды ярдәмендә гамәлгә ашырыла. Бу хезмәттәшлек проектны нәтиҗәле гамәлгә ашыруны һәм аның максатларына ирешүне тәэмин итәргә мөмкинлек бирә.
.jpeg)
Проектның максаты - яшьләрдә тәнкыйди фикерләү, мәгълүматны анализлау һәм нигезле карарлар кабул итү сәләтен формалаштыру. Проект шулай ук укучыларның һәм студентларның психологик сәламәтлегенә ярдәм итүгә, шулай ук яшьләр арасында экстремизм һәм террорчылык идеологиясен профилактикалауга юнәлдерелгән.