Татарстан Росреестрына күчемсез милекне рәсмиләштерү өчен 267 мең онлайн гариза кергән

Агымдагы елда Татарстан Росреестрына күчемсез милек объектларына карата исәпкә алу-теркәү гамәлләрен башкаруга 474 мең гариза кергән, шуларның 267 меңе электрон рәвештә.

Шул ук вакытта ипотека теркәүгә кергән онлайн гаризалар саны 29,5 мең тәшкил итте; өлешле төзелештә катнашу килешүләрен теркәүгә – 13,4 мең. Документлар электрон рәвештә кергәндә исәпкә алу-теркәү гамәлләренең сроклары сизелерлек кыскара. Мәсәлән, сентябрьдә хокукларны теркәүнең уртача срогы нибары 1,1 эш көне тәшкил иткән. Шулай ук исегезгә төшерәбез, дистанцион килешүләр уздыру өчен милекче ЕГРНга тиешле язманы кертү өчен гариза биреп, ризалыгын белдерергә тиеш. Моны МФЦ аша кәгазь гариза биреп эшләргә мөмкин. ЕГРНда махсус тамгадан башка электрон килешүләр башкаруны тыю, хәтта документларны күчемсез милек хуҗасының ышанычлы заты биргән очракта да, хокукны тартып алуга теләсә нинди электрон документларны автомат рәвештә кире кагарга мөмкинлек бирә.