«Гаилә агачыңны утырт» акциясе

Узган шимбәдә Мәләкәс авылының «Тамчыкай» балалар бакчасы хезмәткәрләре өмәдә катнашты. Барыбыз бергә чыгып, бакча территориясен генә түгел, авыл урамнарын чүп-чардан арындырдык, 80 төп чыршы да утырттык. Аларны корткычлардан, йорт хайваннарыннан һәм җил-салкыннан саклап калу өчен махсус челтәр дә урнаштырдык.

Әлеге чарада Мәләкәс авыл җирлеге депутаты А. Борисов, авыл җирлеге башлыгы М. Мифодеев, ата-аналар, бакча хезмәткәрләре актив катнаштылар. Агачларны Саба урман хуҗалыгыннан авыл җирлеге депутаты Илшат Гыйльметдинов алып кайтып биргән.