Россиядә 19 миллионнан артык укучы түгәрәкләргә һәм секцияләргә йөри

Уку елы башланыр алдыннан, димәк, сезнең балагыз өчен түгәрәк яки секция Сайларга вакыт, чөнки мәктәп һәм өстәмә белем бирү безнең илдә бердәм система буларак төзелә һәм алар бергә гамәлгә ашырылганда гына нәтиҗәле. Бүген «Мәгариф» милли проекты буенча 17,7 меңнән артык түләүсез үзәк һәм 1,5 миллионга якын яңа өстәмә белем бирү урыны булдырылган.

Өстәмә белем бирүнең иң популяр юнәлешләре булып социаль-гуманитар юнәлештәге программалар кала: бу түгәрәкләр һәм секцияләр 7 миллионнан артык укучыны сайлап алган, ә 6 миллион бала сәнгать иҗаты белән актив шөгыльләнә.

«Мәгариф» илкүләм проекты буенча бөтен ил буйлап авыл җирлегендә һәм зур булмаган шәһәрләрдә уку йортлары базасында балаларга заманча технологияләр белән танышырга һәм үзләрен гадәти булмаган һөнәрләрдә сынап карарга ярдәм итүче «Точка роста» үзәкләре ачылуын дәвам итә. Бүген кече торак пунктларда яшәүче яшь кешеләр өчен 17 меңнән артык «Точка роста»үзәге булдырылган.

Татарстанда проект инде алтынчы ел гамәлгә ашырыла. Республикада 436 «үсеш ноктасы» исәпләнә, быел авыл мәктәпләрендә тагын 72 үзәк ачылачак.