Альфия Когогина: Гражданнарны мәҗбүри чыгымнардан – өстәмә түләүле товарлар һәм хезмәтләрдән сакларга кирәк

2025 елның 2 апреле, чәршәмбе

Дәүләт Думасы кулланучыларга өстәмә товарлар, эшләр, хезмәтләр тәкъдим итүне тыючы закон кабул итте. РФ Дәүләт Думасы депутаты, кече һәм урта бизнес комитеты рәисенең беренче урынбасары, «Предпринимательство» федераль проекты координаторы Альфия Когогина бу хакта комментарий бирде: «Кабул ителгән инициатива гражданнарның хокукларын яклауга юнәлтелгән – намуссыз сатучылар тарафыннан өстәмә товарлар, эшләр яки хезмәтләрне мәҗбүри тәкъдим итүне булдырмау. Сатып алучыларны артык чыгымнардан, файдасыз шартларда килешүләр төзүдән һәм манипуляцияләрдән сакларга кирәк. Сатучылар, башкаручылар һәм агрегаторларның хуҗалары бу мәҗбүри тәкъдим итүнең законны бозу икәнен аңларга тиеш».

Закон берничә чараны үз эченә ала, шулар арасында:

• өстәмә товарлар, хезмәтләр һәм эшләрне аерым түләү белән сату бары тик кулланучының ризалыгы белән генә башкарылырга тиеш;
• төп товарлар, эшләр һәм хезмәтләрне сатып алу турында килешү төзүгә кадәр аларны мәҗбүри тәкъдим итүне тыю;
• гражданнарга ризалыксыз тәкъдим ителгән товарлар, хезмәтләр һәм эшләр өчен акчаны кире кайтару таләбе белән мөрәҗәгать итү хокукын бирү, бу таләп өч көн эчендә канәгатьләндерелергә тиеш;
• өстәмә товарлар, эшләр һәм хезмәтләрне сатып алу өчен автоматик рәвештә ризалык билгеләрен куюны яки сатучы тарафыннан кулланучы исеменнән ризалык белдерүне исключить итү;
• өстәмә товарлар, эшләр һәм хезмәтләрне сатып алуга башта ук ризалык бирүне күздә тоткан шартлар формалаштыруны булдырмау.