Районыбызга эш сәфәре белән ТР Архив эше буенча Дәүләт комитеты рәисе Гөлнара Габдрахманова килде

2025 елның 4 апреле, җомга

 Районыбызга эш сәфәре белән ТР Архив эше буенча Дәүләт комитеты рәисе Гөлнара Габдрахманова килде. Ул «Ядкәр» генеалогик проектын тәкъдим итте, аның эш асылын аңлатты һәм интеллектуаль системаның мөмкинлекләре хакында сөйләде.

«Минемчә бу уникаль проект. Киләчәктә «Ядкәр» порталы ярдәмендә үз шәҗәрәңне өйрәнергә, аны үсеп килүче буынга ирештерә алу өчен зур мөмкинлек бирәчәк. Шәҗәрәләр порталы тарихыбызны барлауда ярдәм итәчәк. Районыбыз бу эштә, әлбәттә, читтә калмаячак. Әлеге юнәлештә бүген райондашларыбыз белән башкарасы эш планын барладык », - дип белдерде Тукай районы башкарма комитеты җитәкчесе Камил Нәҗмиев.