Иске Абдул мәктәбендә истәлекле стендлар ачылды
Мәктәптә якташларыбыз - хәрби бурычны үтәгәндә һәлак булган чыгарылыш сыйныф укучылары истәлегенә, шулай ук бүген Ватанны саклаучылар хөрмәтенә багышланган мөһим чара узды.
Очрашуны «Гиндукуш» сугышчан дан музее директоры Резеда Гарипова оештырды. Авыл мәдәният йорты хезмәткәрләре, китапханә хезмәткәрләре һәм мәктәпнең педагогик коллективы әлеге чарага ярдәм күрсәтте.
Тантаналы рәвештә ике стенд ачылды: берсе - Данир Минһаҗев белән Илнур Сафин хөрмәтенә, икенчесе - бүген хезмәт куючыларга ярдәм йөзеннән.
Катнашучылар арасында - хәрби хезмәткәрләрнең туганнары, мәктәп укучылары, укытучылар һәм авыл халкы.
Оешмада ярдәм иткән өчен - Сәйдәш исемендәге АХП ҖЧҖ директоры Марат Сафинга һәм авыл җирлеге башлыгы Резедә Сафинага ихлас рәхмәт.
(5).png)
(9).png)
Фото: Резеда Сафина