Александр Елисенков-кикбоксинг буенча Россия беренчелеге җиңүчесе
Җирле спорт мәктәбендә тәрбияләнүче Александр Елисенков кикбоксинг буенча Россия беренчелегендә фулл-контакт дисциплинасында җиңү яулады. Турнир Наро-Фоминскта узды һәм Бөек Ватан сугышында Җиңүнең 80 еллыгына багышланды.
Спортчы алтын медаль яулап, бик яхшы техника, чыдамлык һәм көрәшче характерын күрсәтте. Бу җиңү аңа Россияне август ахырында узачак дөнья беренчелегендә тәкъдим итәргә хокук бирә.
Александрның уңышы-аның остазы Илдар Исмәгыйлев җитәкчелегендәге күпьеллык күнегүләр нәтиҗәсе.
Башкарма комитет җитәкчесе Камил Нәҗмиев чемпионны котлады:
"Якташыбыз Александр Елисенковны кикбоксинг буенча Россия Беренчелегендә лаеклы җиңүе белән шатланып котлыйм. Ул үзенең көчен, чыдамлыгын һәм осталыгын күрсәтеп, мактаулы беренче урынны яулады. Август ахырында ук ул Россияне дөнья беренчелегендә тәкъдим итәчәк", - дип билгеләде ул.
Камил Нәҗмиев шулай ук тренерга рәхмәт белдерде: «Илдар Исмәгыйлевкә профессиональлеге һәм спортчы үсешенә керткән зур өлеше өчен ихлас рәхмәт белдерәм. Александрга ышаныч, яңа казанышлар һәм дөнья дәрәҗәсендә уңышлы чыгыш ясавын телим!»
Хәзер спортчы алдында яңа бурыч тора — илне халыкара аренада лаеклы тәкъдим итү.
