«Татарстан» совхозы поселогында сквер төзелешенең беренче этабы төгәлләнә

2025 елның 16 сентябре, сишәмбе

Тукай районында «Уңайлы шәһәр мохитен булдыру» федераль проектын гамәлгә ашыру дәвам итә. «Татарстан» совхозы поселогында Октябрьнең 50 еллыгы урамы артында сквер төзү буенча эшләрнең беренче этабы тәмамланып килә.

Төзелешнең барышын Тукай районы Башкарма комитеты җитәкчесе Камил Нәҗмиев шәхсән үзе контрольдә тоткан. Хәзерге вакытта подряд оешмасы керү юлларына һәм парковка зоналарына асфальт җәя.

Камил Нәҗмиев, булачак сквер халык өчен заманча һәм уңайлы ял итү урыны булачак, дип билгеләп үтте, район халкының тормыш сыйфатын күтәрү өчен җәмәгать урыннарын төзекләндерүнең мөһимлеген ассызыклады.