Круглое Поле мәктәбендә — информатикадан региональ апробация
Региональ апробация кысаларында 94 укучы үз көчен сынап карады.
Круглое Поле поселогы мәктәбендә информатика фәненнән ОГЭ имтиханын апробацияләү узды. Чарада Тукай районының 94 укучысы катнашты. Бу чара киләчәк чыгарылыш сыйныф укучылары өчен генә түгел, имтихан оештыручылар һәм техник белгечләр өчен дә мөһим күнегү булды.
Сынауның төп максаты — «ОГЭ 2.1» яңа технологиясе шартларында техниканың һәм персоналның эшкә әзерлеген тикшерү иде. Чара барышында имтихан процедураларының тулы циклы үтелде: белгечләр техник һәм оештыру мәсьәләләрен практик рәвештә ныгыттылар.
Апробация ике мөһим бурычны үтәде: укучыларны чын имтихан атмосферасы белән таныштырды һәм техник системаның төп имтиханнар чорына тулысынча әзер булуын раслады.
Фото: район мәгариф идарәсеннән
Чыганак "Якты юл"