Җиңү юлында — Бәтке авылы командасы

2026 елның 29 апреле, чәршәмбе

Тукай районының Бәтке мәктәбе командасы «Җиңүгә юл — 2026» хәрби-патриотик уенында «Серле пакет» номинациясендә иң яхшысы дип табылды.

Яр Чаллы дәүләт педагогика университеты (НГПУ) базасында узган ярышларда мәктәп укучылары үзләренең ныклы ихтыяр көчен, бердәмлеген һәм Ватан тарихын тирән белүләрен исбатладылар. Команда сынаулар барышында саф әзерлеге, беренче медицина ярдәме күрсәтү һәм башка хәрби дисциплиналар буенча югары осталык күрсәтте.

Бу зур җиңүдә команданың остазы — Фатыйх Галәветдиновның өлеше чиксез. Аның һөнәри осталыгы һәм укучыларга булган ышанычы егетләрне яңа үрләргә этәрде.

Фото: район мәгариф идарәсеннән

Чыганак "Якты юл"