Түбән Суык-Су авыл китапханәсенә " Сугыш урлаган яшьлегем” исемле очрашу

17 апрель көнне Түбән Суык-Су авыл китапханәсе мөдире Арсланова Оркыя Камаловна  “Сугыш урлаган яшьлегем” исеме астында, сугыш чорында туып -үскән, балачаклары, яшьлекләре авыр сугыш елларына туры килгән  авылдашлар белән очрашу кичәсе уздырды.  Сугышның бөтен авырлыгын үз җилкәсендә күтәргән,  җинү көнен якынайту өчен тылда көнне-төнгә, төнне-көнгә ялгап бөтен тырышлыкларын биреп эшләгән әбиләр, апаларның күнеленә мондый очрашу бик хуш килде. Чара җырлар, шигырьләр белән үрелеп чәй өстәле артында тәмамланды.