Наркотикларга каршы көрәш комиссиясенең чираттагы утырышы булды
Районның хакимият бинасында наркотикларга каршы көрәш комиссиясенең утырышы булды. Анда Россия Эчке эшләр министрлыгының район бүлеге башлыгы Роберт Хөснетдинов ,район яшьләр эшләре, спорт һәм туризм бүлеге башлыгы Илнур Гәрәев , район үзәк больницасы наркологы Илдус Мусин ,юридик бүлеге башлыгы Альбина Гыйниятуллина , мәктәптән тыш эшләр үзәге директоры Сания Сәйдәшева ,мәдәният бүлеге башлыгы Алсу Җаббарова катнаштылар һәм чыгыш ясадылар . Көн тәртибендә мәктәп укучылары арасында наркотиклар һәм психотроп матдәләр куллануга каршы профилактика чаралары;балалар арасында тестлар үткәрү, аның тәртибе турында ; балаларның җәйге ялларын оештыру , җәй айларында яшьләр белән нинди мәдәни эшләр алып барылачагы , җәйге айларда балалар һәм яшүсмерләрне район предприятие-оешмаларына эшкә урнаштыру хакында ;балигъ булмаганнар арасында законсыз рәвештә алкоголь эчемлекләр тарату дигән темага чыгышлар тыңландыһәм карарлар кабул ителде.