Ветеран тыла Бибихадича Салиховна отпраздновала свой 100-летний юбилей.

Мусабай-Завод авылында туып-үсеп, шунда кияүгә чыккан, бөтен гомерен шунда үткәргән тыл ветераны Бибихәдичә Миңнемөхәммәт кызы Салихова шушы көннәрдә 100 яшьлек юбилеен билгеләп үтте.
Сугыш еллары авырлыгын үз җилкәсендә татыган, ачлы-туклы килеш бер көн дә күмәк хуҗалык эшеннән калмаган, терлекләрне яратып караган Бибихәдичә әбинең күңеле көр, хәтере яхшы, юбилей кичәсенә әллә ничә дистә туган-тумачасы, балалары, оныклары, туруннары җыелып кайткан иде. Әбинең 9 баласы янына туганының үзе үстергән баласы, 18 оныгы, 3 дистәдән артык оныкчыгы булуы – бик шатлыклы вакыйга. Җыелган кунаклар белән шау чәчәкле ишек алды гөрләп торды. Һәркайсы хөрмәтле әбиебезне чәчәкләргә күмде.

 Тантанага хакимиятнең аппарат башлыгы Әсхадә Наврозова, район ветераннар советы рәисе Гөлфидә Гыйниятуллина килгән иде. Алар Россия Президенты Владимир Путинның хөрмәтле Бибихәдичә әбине 100 яше белән котлаган хатын һәм хакимият бүләкләрен тапшырдылар. Әбиебез олуг юбилее көнендә бер гасырлык гомерен онытмыйча зурлаулары өчен илебез, республика һәм район җитәкчеләренә зур рәхмәтен җиткерде. «Бүген тормышыбыз матур, рәхәттә яшибез», – диде. Бөтен уңайлыклар тудырган төпчек улы Рафиска, килене Гөлшатка аерым рәхмәтен әйтә