Районның төзелеш хезмәткәрләре һәм ветераннарын һөнәри бәйрәмнәре белән район башлыгы котлывы

2014 елның 8 августы, җомга
Районның төзелеш хезмәткәрләре һәм ветераннарын һөнәри бәйрәмнәре белән котлыйм. Намуслы хезмәтләре өчен район халкы исеменнән олы рәхмәтемне җиткереп, һәммәсенә дә саулык-сәгадәт, бәхет, эшләрендә уңышлар телим. Гомер бакый төзүчеләр иң кирәкле, һөнәр ияләренең берсе булып калалар. Чөнки торак йортмы, социаль-мәдәни, җитештерү объектларымы – барысына да иң элек төзүчеләр нигез һәм беренче кирпеч сала. Бүгенге көндә районда бик күп объектлар төзелде, гамәлдәге күпсанлы федераль һәм республика программаларына керүгә ирештек. Капиталь ремонт программалары буенча балалар бакчалары, мәктәпләр, торак йортлар, фельдшер-акушерлык пунктлары төзекләндерелә, Боерганда күпфункцияле үзәк, Теләнче Тамакта участок вәкаләтлеләре йорты төзелә. Районыбызның коммуналь оешмалары һәм төзүчеләр торак пунктларны газлаштыру, коммуналь челтәрләрне яңарту, юллар төзү буенча колачлы, дистә миллионлаган сумнарга исәпләнгән эш башкара. Халык яшәеше өчен мөһим объектларның һәммәсендә төзүчеләребез эшли, алар авылларыбызны ямьләндерә, көнкүрештә һәркемгә көн саен кирәк булган уңай шартлар тудыралар. 
 
Хөрмәтле төзүчеләр һәм әлеге тармак ветераннары, сезне һөнәри бәйрәмегез белән ихлас тәбриклим, намуслы хезмәтегез өчен район халкы исеменнән олы рәхмәтемне житкерәм. Сезгә сәламәтлек, гаиләләрегезгә иминлек, эшегездә зур уңышлар телим.


Муниципаль район башлыгы Васил ХАҖИЕВ.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Безнең район
Рәсми кәгазьләр
Халык мөрәҗәгате
Матбугат хезмәте
Адрес: 423800,Татарстан Республикасы ,Яр Чаллы шәһәре,Муса Җәлил проспекты,46 йорт
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International