Тукай муниципаль районы

Элеккеге еллар тәҗрибәсеннән чыгып, II-XI сыйныфларда укучы балалар өчен дә өстәмә материаль ярдәм күрсәтү – мәктәп кирәк-яраклары алу яисә ашханәдә ашау өчен талоннар тапшыру күздә тотыла.

2014 елның 20 августы, чәршәмбе

Район социаль яклау идарәсе җитәкчесе хәбәр иткәнчә районда агымдагы елда 359 бала беренче сыйныфка укырга бара, шуларның 118е – аз керемле һәм күп балалы, шулай ук авыр хәлдә калган һәм опекунлыкка бала алган гаиләләрдә тәрбияләнә. Акция кысаларында балалар өчен дәфтәрләр, язу кирәк-яраклары, рәсем һәм хезмәт дәресләре өчен әсбаплар, китап-дәфтәр тышлыклары, пенал тутырылган портфельләр әзерләнелде. Һәрбер шундый портфельнең бәясе – 2378 сум. Барлыгы бу максатка районга республика бюджетыннан 280604 сум акча бүлеп бирелгән. Әлеге хәйрия акциясе кысаларында портфельләр сатып алганнан соң калган акчаларга, элеккеге еллар тәҗрибәсеннән чыгып, II-XI сыйныфларда укучы балалар өчен дә өстәмә материаль ярдәм күрсәтү – мәктәп кирәк-яраклары алу яисә ашханәдә ашау өчен талоннар тапшыру күздә тотыла. Былтыр мәктәп ашханәсендә ел буе ашау өчен талоннар белән 13 гаилә тәэмин ителде. Әлеге гаиләләрдә 5 һәм аннан да артык бала тәрбияләнә.

Бүгенге көндә хәйрия фондына хәйриячеләрдән 193780 сум акча күчерелде, дип хәбәр итте Гөлнара Шәфыйкова. Алар: «Ак барс банк созидание», «Күзкәй» ягулык салу станциясе, «Бигеш аэропорты», «Агрокөч төркеме», «Акибанк», «Татарстан коммуналь челтәрләре», «ТМИМ», «Ласка», «Тукай җылылык һәм газ», «Тукайагрохимсервис», «Мелиоводстрой» җәмгыятьләре, шулай ук «Чаллы яшелчәсе», «Биклән», «Алмаз», «Камский» һәм «Вилданов» хуҗалыклары.

БАРЛЫК ЯҢАЛЫКЛАРНЫ УКУ