Районда санитар-эпидемиологик ункөнлек башланды

8 октябрьдән 18енә кадәр районда санитар чистарту декадасы бара. Бу көннәрдә җирле пунктлар, предприятие һәм оешмалар, бакчачылык ширкәтләре, юл буйлары, урман, буа яннары территорияләре җыештырыла. Эшне контрольдә тоту буенча Башкарма комитет җитәкчесе карары белән комиссия төзелгән. Ул сәнәгать һәм авыл хуҗалыгы предприятиеләрендә, муниципаль һәм дәүләт учреждениеләрендә, сәламәтлек саклау, сәүдә һәм авыл җирлекләрендәге башка  объектларда чистартуның барышын даими игътибарда тота. Авыл территорияләрендәге рөхсәтсез чүп ташлау урыннарын бетерүне җирлек башлыклары аерым контрольгә алырга тиеш, дип басым ясалды дүшәмбе көнне хакимияттә үткән киңәшмәдә. Төзекләндерү кагыйдәләрен бозучыларны исә административ штрафлар көтә.