«Куркынычсыз тәгәрмәч» дип аталган республика акциясенең район этабы үтте.

«Куркынычсыз тәгәрмәч» конкурсын район буенча ЮХИДИ бүлеге башлыгы,полиция майоры  Шамил Ганиев ачып җибәрде.Котлау сүзләрен  шулай ук район мәгариф идәрәсе башлыгы Рамил Роберт улы Исаев җиткерде.   

  Ике кыз, ике малайдан торган бүгенге командалар «Куркынычсыз тәгәрмәч»тә  өч  «тукталыш»ны үтте, ягъни жюри һәм тамашачылар алдында үзләрен өч  төрле ярышта сынадылар. Спорт залындагы махсус көйләнгән мәйданчыкта велосипедчы кызлар һәм егетләр фигуралы йөрү күрсәттеләр. Ике яктан фишкалар белән әйләндереп алынган тар һәм борылмалы юлларны бер хатасыз үтүчеләр шактый булды. Бер кабинетта балалар юл йөрү кагыйдәләре буенча, икенчесендә беренче медицина ярдәме күрсәтү буенча теоретик «имтихан» тапшырдылар. Мәктәпнең икенче катындагы коридорда исә яшь инспекторлар үзләрен иҗади яктан сынадылар. 

Ахырдан конкурсның һәр төре буенча һәм гомуми команда исәбе буенча урыннар билгеләнде. Фигуралы йөрүдә иң осталары булып Түбән Суыксу велосипедчылары танылды, юл йөрү кагыйдәләрен дә дә,  беренче медицина ярдәме күрсәтү буенча сорауларга да командалар   дөрес итеп җавап бирделәр
Гомуми команда исәбендә Түбән Суыксу малайлары һәм кызлары беренче
Мусабай Заводлылар  – икенче,
 Новотроицкое  командасы өченче урынны алды.
Җиңүчеләр грамоталар, дипломнар, кубоклар һәм китаплар белән бүләкләнде. 

Район күләмендә җиңгән командалар Яр Чаллы шәһәрендә үтәчәк республика конкурсында көчләрен сынаячак.