Иске Абдул китапханәсендә үткән Яна ел чаралары

1.  25нче декабрь көнне  Иске  Абдул китапханәсе каршында эшләп килүче  “ Шатлык” ветераннар клубы һәм авылыбыз өлкәннәре  өчен “Мәүлид кичәсе” үткәрдек.Килгән кунаклар чәй өстәле артында  бу кичәнең килеп чыгышы,әһәмияте турында фикер алыштылар,  мөнәҗәтләр әйттеләр.
2. 31нче декабрьдә мәдәният йортында  “ Хуш киләсең Яңа ел! “ дип исемләнгән бәйрәм тамашасы үткәрдек.Мәктәп укучылары, яшьләр,”Асылъяр” фольклор ансамбле  чыгышлары, төрле уеннар- авыл халкы һәм кайткан кунаклар өчен оештырылды.Бәйрәм  Яңа ел салюты белән тәмамланды.

3.5нче январьда  китапханәдә кече яшьтәге мәктәп балалары өчен “ Имин һәм хәвефсез хәрәкәт”исемле әңгәмә узды.Укучыларны   юл йөрү кагыйдәләре белән таныштырдым.Велосипедта,скутерда йөргәндә нинди кагыйдәләр үтәлергә тиешлеген бергәләп искә төшердек.Юл йөрү кагыйдәләренә багышланган  табышмакларга җаваплар эзләдек.