ЯҢАЛЫКЛАР

 Сосновый Бор поселогы "Солнышко" балалар бакчасы нэнилэре  яңа ачылган "Патриот" музеена экскурсия бардылар ,Алар музейдагы экспонатлар белән таныштылар, алар турында бик бирелеп тыңладылар

22 мартта район авыл җирлекләрендә үзара салым буенча референдум узачак. Сайлау участоклары иртәнге 7дән кичке 8гә кадәр эшләячәк. Тавыш бирү өчен участокларга рәхим итегез.

   21март көнне  Калмия  авыл җирлегендә тыл ветераннарына юбилей медальләре тапшыру тантанасы узды. Тантанада  катнашучыларны район Советы аппарат  җитәкчесе Әсхядә Зиятдин кызы Наврозова,район башлыгының мобилизация буенча урынбасары Хәлил  Мирякуб улы Хәбибуллин   һәм Калмия  авыл җирлеге башлыгы  Нияз Рәшит улы Гиьфанов  котлады.Мәдәният хезмәткәрләре һәм укучылар өлкәннәрне үзләренең чыгышлары белән сөендерделәр. Бәйрәм  мул табын артында узды 

Булачак пенсионерлар өчен : пенсия мәсьәләсендә битараф булу хупланмый, кеше үзенең киләчәге турында үзе кайгыртырга тиеш. Шул вакытта гына картлык тәэмин ителгән һәм тыныч булыр.  

Чаллы шәһәренең «Яр Чаллы» спорткомплексында җиңел атлетика буенча Тукай районының балалар һәм яшүсмерләр спорт мәктәбе беренчелегенә ярышлар үтте. Анда 2000-2001, 2002-2003, 2004-2005 елгы малайлар һәм кызлар катнашты. Ярышларда районның төрле мәктәпләреннән килгән 8 команда, шул исәптән 104 катнашучы көч сынашты. Балалар 50 һәм 500 метрга йөгерү, озынлыкка сикерү кебек ярышларда үзләрен сынап карады. 

2015 елның 16 мартта Түбән Кама шәһәрендә “Ел  тәрбиячесе -2015” республикакүләм конкурсының зона этабы узды. Чарада Абабуга, Тукай, Минзәлә, Менделеевск, Түбән Кама, Яр Чаллы  районнары вәкилләре катнашты. Иң яхшы укытучы исеменә муниципаль этапларда җиңүчеләр һәм призерлар -15  мөгалллим дәгъва кылды. Тәрбиячеләр  ачык дәресләр күрсәтте. Һәр дәрес үзенчәлекле методик алым белән баетылган иде.
   

16 март көнне  Биюрган, Калмия,  Комсомол , Княз ,  Шильнебаш мәктәпләренән 6,9 класс укучылары  Муса Җәлил исемендәге Минзәлә  педагогик көллиятенә  бардылар,ачык ишекләр көнендә   катнаштылар 

18 март  көнне  Тлянче-Тамак мәктәбендә  мәктәп директорлары һәм китапханәчеләре өчен семинар-киңәшмә узды. Киңәшмә эшчәнлегендә башкарма комитет җитәкчесенең  мәгариф буенча урынбасары  Исаев Рамиль Робертович һәм  Тлянче-Тамак авыл җирлеге башлыгы   Назмутдинов Рамиль Шарипяновичкатнаштылар 

Россия Президенты Владимир Путин "1941-1945 елларда Бөек Ватан сугышында Җиңүнең 70 еллыгы уңаннан, Россия Федерациясенең кайбер категория гражданнарына бер тапкыр бирелә торган түләү турында"гы указны имзалады. Документның тексты РФ хокукый мәгълүматлар рәсми порталында урнаштырылган.

Указ нигезендә, Бөек Ватан сугышы инвалидлары һәм ветераннары, фашистлар һәм аларның союзниклары оештырган концлагерь һәм гетто, кешеләрне башка мәҗбүри тоту урыннарының элеккеге балигъ булмаган тоткыннары, Финляндия белән, Бөек Ватан сугышы һәм Япония белән сугышта һәлак булучыларның тол хатыннары, Бөек Ватан сугышы инвалидларының һәм катнашучыларының тол хатыннарына 7шәр мең сум күләмендә акча түләнәчәк.

6 айдан да кимрәк эшләмәгән тыл хезмәткәрләренә, Бөек Ватан сугышы вакытында фидакарь хезмәт өчен СССР орденнары һәм медальләре белән бүләкләнгән гражданнарга, нацистлар концлагерьлары, төрмәләре һәм геттоларының элеккеге балигъ булган тоткыннарына, указ нигезендә, 3 әр мең сум акча биреләчәк.