Муниципаль районнар Тукай муниципаль районы

ЯҢАЛЫКЛАР

июль, 2014 ел

дүшәмбе

Калмаш авылы мәктәп каршында оешкан "Дуслык" лагере балалары Алабуга шәһәреннән якты мизгелләр белән кайттылар . И.И. Шишкин һәм сәнгать музеенда булдылар.

Картлар һәм инвалидлар йортында Сабан туй бәйрәме

4 июль көнне Тукай районы картлар һәм инвалидлар йортында Сабан туй бәйрәме узды. Бәйрәмгә район башлыгы урынбасары Люция Хак кызы Әхмәтова , ветераннар һәм инвалидлар оешмасы Советы председателе Гөлфидә Рәүф кызы Гиниятуллина килгән иде. Бәйрәмнең спонсорлары Имамов Риф Ханифович(директор ООО «Гигант») Сафин Марат Талгатович(.директор ООО «СХП имени Сайдашева»).Бәйрәмдә катнашучыларны картлар йортының яңа директоры Муллина Фәйрүзә Әзгам кызы һәм кунакларлар җылы итеп котладылар, анда яшәүчеләр чын күңелдән ярышларда катнаштылар, истәлекле бүәкләргә лаек булдылар.

«Аленушка» балалар бакчасында түбә алмаштырыла

Бәтке авылының «Аленушка» балалар бакчасында түбә алмаштыру эшләре бара Ремонт эшләрендә «Автостройинком» подрядчы оешмасының унлап эшчесе катнаша. 2 ай эчендә бакча түбәсе тулаем алмаштырылып бетәчәк.

Өстәмә компенсациягә документлар яңарта башладылар

Баланы бакчага йөрткән өчен түләнә торган акчаның бер өлешен өстәмә компенсация итеп кайтару өчен районның социаль яклау идарәсе хезмәткәрләре ата-аналардан документларны кабат җыя башладылар. Өстәмә компенсация гаиләнең табышына карап алты ай вакытка билгеләнә. Бер кешегә кереме 20 мең сумнан артмаган гаиләләр мондый документларны узган ел ахырында тапшырганнар иде.

Районда Украинаның Луганск һәм Донецк өлкәләреннән кайткан 14 качак яши

ТР федераль миграция хезмәтенең район бүлегеннән алынган мәгълүматларга караганда, бүгенге көндә Круглое Поле, Яңа, Сосновый Бор поселокларында, Мәләкәс һәм Новотроицкое авыл җирлекләре территорияләрендә Украинаның Луганск һәм Донецк өлкәләреннән кайткан 14 качак яши.

4 мең ярым тонна печән, 24 мең ярым тонна сенаж әзерләнгән.

2 июльгә район буенча барлыгы 4 мең ярым тонна печән, 24 мең ярым тонна сенаж әзерләнгән, бер баш терлеккә 7,45 центнер азык берәмлеге туры килә. Иң күп, 500-600 тонна печән әзерләгән хуҗалыклар исемлегендә «Гигант», «Биклән» җитештерү кооперативы, Сәйдәшев исемендәге һәм «Алмаз» хуҗалыклары.

Кама поселогында су кертү «Чиста су» республика программасы кысаларында башкарыла

Кама поселогының Узган дүшәмбедә «Тукай су каналы» предприятиесе егетләре су кертү эшен башлаганнар.Подрядчы оешманың директоры Григорий Петров

Кама поселогында су кертү «Чиста су» республика программасы кысаларында башкарыла. Авылларны эчә торган су белән тәэмин итү максатына быел районга барлыгы 65 млн сум акча бүлеп бирелә.

Район мөхтәсибе Җәүдәт хәзрәт Харрас- 70 гаиләгә «Якты юл» газетасын яздырды.

Район мөхтәсибе Җәүдәт хәзрәт Харрас- 70 гаиләгә «Якты юл» газетасын яздырды.Редакция хезмәткәрләре - аңа бу игелекле хезмәте өчен редколлегия һәм укучылар исеменнән ихлас рәхмәтебезне җиткерә, аңа Аллаһының рәхмәте яусын, бу изге Рамазан аенда тоткан уразасы кабул булсын, халыкка сөйләгән ихлас вәгазьләре күңелләрне сугарсын,дилэр.

Алмаз Гәрәев абсолют батыр булып калды.

Чаллы шәһәренең Сабан туе мәйданында Татарстан республикасының дәүләт театрлары артистларының Сабан туе бәйрәме узды. Анда ундүрт театр үзара көч сынашты. Милли көрәштә районыбызның Мусабай Завод авылында туып үскән егет- Алмаз Гәрәев абсолют батыр булып калды. Ул тәкә һәм җиңел машина белән бүләкләнде.

июль, 2014 ел

җомга

Новотроицкое авыл китапханәсендә ГИБДД хезмәкәрләре көне уңаеннан чара узды.

2 июль көнне Новотроицкое авыл китапханәсендә ГИБДД хезмәкәрләре көне уңаеннан чара узды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ