25 апрель көнне ГАУСО КЦСОН «Шафкатъ» агач утырту көне уңаеннан экологик чара узды. Бу чарада төрле гаиләдән булган балалар катнашты,алар белән "Табигатьне сакла" дигән әңгәмә үткәрелде,экологик проблемалар турында сөйләшү алып барылды.
24 апрель Тукай муниципаль районы үзәкләштерелгән китапханәләр системасы һәм мәдәният бүлеге оештыруында Тукайның 128 еллыгы уңаеннан “Җирдә язлар, язда шигырь һәм Тукайлар булачак” исемендәге шигърият бәйрәме Тукай районы Круглое Поле мәдәният йортында үткәрелде. Бәйрәмгә башкалабыз Казаннан язучыларыбыз: якташыбыз Сәлисә Гәрәева, балачагы Иштерәк авылында үткән Җәмилә Әхтәмова, Фәрит Яхин, Рифат Сәләх, шәһәребездә яшәп иҗат итүче язучыларыбыздан: Вахит Имамов, Айдар Хәлим, Фидаил Мәҗитов, районыбызда яшәп иҗат итүче шагыйрьләребездән: Рубис Зарипов, Рәзинә Саетгәрәева кунак булып килделәр.
Кыргызстанның Тянь-Шань тауларында 5063 метрда "Габдулла Тукай " биеклеге урнашкан . 2007 елда альпинистларның бу ачышында- Бәткедә яшәүче Айрат Хазиахметовта катнашкан.