ЯҢАЛЫКЛАР

Новый поселогында  Мәүлид кичәсе үткәрелде ,анда 32  хатын  кыз, 5  ир-ат катнашты. Бу кичәгә     дога укыдылар, вәгазь сөйләделәр, әби-апаларыбыз гарәпчә аятьләр укыдылар. Соңыннан бар халыкны чәй табынына чакырдылар.    Мәүлидны    ветераннар  советы  рәисе оештырды.

 Боерган  авылы “Яран гөл” фольклор клубы членнары “Китмим әле яшьлегемнән “  дигән  программа белән  Таулар авылы клубына концерт белән  бардылар

Тукай муниципаль районының  дәүләт автоном социаль хезмәт күрсәтү учреждениесе”Шәфкать” үзәгендә 28 укучы белән«Умей учиться – умей и веселиться" дигән тема астында дискотека үткәрде.Анда алар биеп кенә калмадылар,төрле бәйгеләрдә дә катнаштылар.

Иске Абдул авылында 30 елдан артык гомерен мәдәният өлкәсенә багышлаган, клуб мөдире булып эшләгән ,Татарстан Республикасының (1972 елда), РСФСРның (1983 елда )атказанган мәдәният хезмәткәре исемнәренә лаек булган Сәлимә Шәмсетдин кызы Сәйфиеваның 80 яшьлек гомер бәйрәме .Сәлимә апага бәхетле картлык, балаларының, оныкларының игелеген күреп, аларның хөрмәтендә тагын күп еллар яшәргә язсын .

13.01.14 – 15.02.14 кадәр Татарстан Республикасында “Яшел ут” смотр- конкурсы игълан ителде. Шушы кыслаларда Тлянче-Тамак “Акчәчәк” балалар бакчасында “Әти, әни, мин һәм куркынычсыз юл” дип исемләнгән бәйге үткәрелде.