ЯҢАЛЫКЛАР

"Камский" җитештерү кооперативы директоры  Вильданов И.Ф. улы,  22.01.2014 ел.көнне  Кече Шилнә авылында үткән авыл җыелышында ,кооперативта эшләүче,үзенең 60 яшьлек юбилеен билгеләп үтүче-Әсхат Сәхәп  улы Шакировны  котлады. Тәбрикләү сүзе белән берлектә  ,хезмәткәргә бүләк тапшырды. Буләкнең иң зурысы--100 кг яшь бозау.
Әсхат Сәхәп улы! Бездә ,Сезне бәйрәм белән котлыйбыз,сәламәтлек, озын гомер, шатлыклар белән куанып, тигез тормышта яшәгез!

 Татарстан Республикасы  Дәүләт Советы депутаты   Әминов Илшат  Юныс улының  гражданнарны   кабул итә көне һәм вакыты  үзгәрде.  Ул ,27 гыйнвардан-30 гыйнварга күчерелә. Үткәрү вакыты:   15.00-17.00 сәгатьләрдә.Җәмәгать кабул итү бүлмәсе Яр Чаллы шәһәре, ГЭС бистәсе, Есенин урамы, 1 йортта (социаль яклау идарәсе бинасында) урнашкан.  Алдан язылу өчен телефон: 70-37-82.

 Күзкәй авылы җыелышында 50 ел гомер кичергән матур гаилә-Искәндәр бабай белән Сәйдә әби Вәлиуллиннарны котладылар,аларга истәлекле бүләк һәм җылы эчтәлектәге тәбрикләү сүзләрен җиткерделәр. Бездә, бу күркәм үрнәк гаиләне олы бәйрәмнәре белән   тәбрик итәбез, тигез картлык,исәнлек телибез.

24 гыйнварда 15.00-18.00 сәгатьләрдә Яр Чаллы шәһәре мэрының җәмәгать кабул итү урынында ТР Дәүләт Советының социаль сәясәт буенча комитет рәисе Светлана Захарова һәм хокук тәртибе һәм законлылык буенча комитет әгъзасы Сергей Рачков   Тукай районы  һәм Яр Чаллы шәһәре гражданнары кабул итәчәкләр.

    

 Кнәз авылы мәдәният йорты каршында   эшләп килүче «Объектив»агитбригада төркеме "Алмаз" хуҗалыгы  төрлекчеләр янында кунакта булдылар. Бергәләп күңел ачу барысының да күңеленә хуш килде,дип яза Тамара Тузеева

Валерий   Пучинин-үлгәннән соң Батырлык Ордены белән бүләкләнде.

22 гыйнвар көнне Кнәз авыл мәдәният йорты хезмәкәрләре һәр  елны  Валерий   Пучининның каберенә чәчәк салырга баралар иде,быел исә   бу эшне алар авыл җирлегендә Батырларча хәләк булганнар өчен төзелгән һәйкәл янында тантаналы искә алу кичәсендә башкардылар.Валерий Сергеевичның  әнисе - Елена  Алексеевна үз куллары белән кызыл роза чәчәкләре  бәйләгән,ул аларны улы кабере өстенә салды.

 

22 гыйнвар  көнне -Пучинин Валерий Викторовичның үлгән көнен билгеләп үттеләр,ул Чечнәдә үзенең солдат хезмәтен үтәгәндә  вафат була.

Олимпиадаларда   катнашу-балага танып-белү эшчәнлегенә  тагында зур ярдәм итә ,Талантсыз балалар юк- аларны күрә белергә генә кирәк. Биклән мәктәбе  бу юнәлешә күп  нәтиҗәләргә ирешкән.Алар түбәндәгечә:

Күзгәй авыл җирлегендә халык җыелышы үтте.  Авыл җыелышында Татарстан Республикасының җир һәм милек мөнәсәбәтләре министры Азат Киям улы Хаммаев , муниципаль район Советы депутаты, «Күзкәй» ягулык салу станциясе җитәкчесе Флүр Шәфыйков, район башлыгы Вәсил Гариф улы Хаҗиев , башкарма комитет җитәкчесе Рәсим Вәсим улы Асылгараев һәм оешма җитәкчеләре,булек башлыклары катнашты .Авыл башлыгы Гәрәев Эдуард Нәкип улы   2013 елда планлаштырган эшләрнең үтәлешенә йомгак ясады. Бюджет үтәлеше, җирлектә булган үзгәрешләр-яңалыклар, халыкның тормыш дәрәҗәсе хакында сүз барды,2014 елга план-программа, бурычлар һәм максатлар белән таныштырды. 

22 гыйнвар көнне Кече Шилнә авылында авыл җирлеге граҗданнары җыелышы булды. Җыенда   муниципаль район башлыгы Хазеев В.Г., Башкарма комитет җитәкчесе  Асылгараев Р.В.  һәм бүлек җитәкчеләре катнашты.