ЯҢАЛЫКЛАР

 Еш кына  : "КФҮкә килмәсәк, ә почта аша гаризаны  җибәрергә мөмкинме? "дип сорыйлар. Гаризалар почта аркылы җибәрелми,чөнки КФҮ үз форматы буенча-шәхси мөрәҗәгать итү учреждениесе. Хезмәт алу өчен КФҮ кә РФ гражданины паспорты белән мөстәкыйль рәвештә  килергә кирәк,шулай ук  Электрон почта , Россия почтасы аркылы да гаризалар җибәрелми һәм кабул ителми.

«Бөтенроссия «ачык ишекләр» көне кысаларында эшмәкәрләр өчен 2021 елның 10 июнендә 12.00 сәгатьтән 16.00 сәгатькә кадәр "Роспотребнадзор" белгечләре  юридик затларга һәм шәхси эшмәкәрләргә консультация бирәчәкләр.

1 апрельдән 31 майга кадәр дәвам иткән санитар чистарту, яшелләндерү һәм төзекләндерү икеайлыгы төгәлләнде. Авыл җирлекләре территорияләрендә бу чорда нинди эшләр башкарылган? Икеайлыкка нәтиҗә ясау буенча район хакимиятендә махсус комиссия оешты. Дүшәмбе көнне комиссия әгъзалары һәм авыл җирлекләре башлыклары барлык авыл җирлекләрендә булып, эшләнгән эшләргә бәя бирде.  Комиссия әгъзалары стелаларның, урам эчендәге һәм авылга керү юлларының торышын, юл кырыйларында, капка төпләрендә, социаль объектлар территориясендә үләннәрнең чабылган булуын, һәйкәл яннарын, чишмә тирәләрен, Сабантуй урыннарының әзерлеген, зиратларның торышын карау максатын куйды. 

Бәтке авылының Гагарин һәм Яңа урамнарындагы күпкатлы йортларында яшәүчеләр өчен быелгы җәй истәлекле: аларның ишегаллары өр-яңадан үзгәртеп корыла. «Безнең ишегалды» программасы поселокның җиде ишегалдына кагыла. Проектка кергән һәр ишегалдының кабатланмас үз йөзе булдырыла. 

Кисәтү!

2021 елның 8 июненнән 15 июненә кадәр Татарстан Республикасында урманнарның югары янгын куркынычы (4 сыйныф), көнчыгышта урманнарның гадәттән тыш янгын куркынычы (5 сыйныф) сакланачак.

«Татарстан Республикасы Гидрометеорология һәм әйләнә - тирә мохитне күзәтү идарәсе»   «коры» куркыныч табигать агрометеорологик күренеше турында хәбәр итә

  9 июнь кичендә, төнлә һәм көндез 2021 елның 10 июнендә Татарстан Республикасы территориясендә һәм Казан шәһәрендә урыны белән яшен, яшен вакыында  җилнең тизлеге секундына 15-18 метрга кадәр җитәргә мөмкин.

Июнь аенда пенсияләр түләүләр буенча үзгәрешләр көтелә. Бу, беренче чиратта, 12 июнь — Россия көне һәм шул уңайдан өч көн ял итү белән бәйле.  

 "Татарстан почтасы» июньдә пенсияне түләү һәм китерү графигы12 июньдә пенсия алучыларга акчалар бер көнгә иртәрәк киләчә,ул 11  июньдә булачак.

Дүшәмбе көнне район башлыгы Фаил Камаев һәм район авыл хуҗалыгы оешмалары җитәкчеләре, фермерлар игеннәрнең торышын карадылар. Комиссия Круглое Поле поселогы ягыннан юл алып, Калмия җирлегенә кадәр барлык басуларда булды, бөтенесе 426 километр юл үтте.

8 июнь – халыкка социаль хезмәт күрсәтү хезмәткәрләренең һөнәри бәйрәме уңаеннан район хакимияте бинасында иң гуманлы һөнәр ияләрен хөрмәтләү тантанасы булды. 

Район башлыгы урынбасары Рөстәм Закиров социаль хезмәткәрләрне тәбрикләп, намуслы хезмәтләре өчен бүләкләр тапшырды.

 9 июньдә «Тукай муниципаль районы «Шәфкать» халыкка социаль хезмәт күрсәтү үзәге гаилә һәм балаларга социаль ярдәм күрсәтү бүлекчәсе психологы Ләйсән Насырова «Тукай үзәк район хастаханәсендә»  «Үз-үзеңне көйләү ысулларын өйрәтү»  темасына гамәли дәрес үткәрде.

Алар – четерекле, авыр, сабырлык, кешелеклелек кебек сыйфатлар таләп итә торган изге хезмәт юлын сайлаган һөнәр ияләре. Алар – өлкәннәргә, караучысыз калган әби-бабайларга, сәламәтлекләре чикле балаларга, инвалидларга социаль хезмәт күрсәтүче мәрхәмәтле кешеләр. Һөнәри бәйрәмнәре уңаеннан район социаль яклау бүлеге җитәкчесе Ландыш Бариева белән эшләренең үзенчәлеге хакында сөйләшәбез.