«ЭКОБИКЛЯНЦЫ»яшь урманчы отряды 25 төп чыршы

10 октябрь көнне Биклән мәктәбе укучылары мәктәп директоры Айрат Ибраһимов җитәкчелегендә юл янында агачлар утырту өчен чыктылар.Мәктәптә «ЭКОБИКЛЯНЦЫ»яшь урманчы отряды эшли(җитәкчесе география һәм биология укытучысы Гөлзирә Илһам кызы Низамова ) ,бу көнне алар Биклән авылына илтүче юл янында 25 чыршы утырттылар . Укучылар мондый чараларда еш катнашалар, алар Сабантуй үткәрелә торган мәйданчыкта, мәктәп территориясендә агачлар утыртканнар инде. "Отрядта 15 укучы бар. Агач утыртудан тыш, шушы көннәрдә алар " Алтын балык «авыл чишмәсен чүп-чардан чистарттылар, шулай ук мәктәптә пластик, макулатура һәм Иске батарейкаларны аерым җыю өчен контейнерлар куелды», – ди Гөлзирә Илһам кызы балаларның табигать саклау чараларында катнашуы турында.