Утырышта балигъ яшенә җитмәгән балаларга кагылган күпкырлы мәсьәләләр каралды.
Бүген,1 октябрь көнне районның балигъ булмаганнар эшләре һәм аларның хокукларын яклау комиссиясенең утырышы булды. Аны район башлыгы урынбасары Ахметова Люция Хаковна алып барды. Утырышта балигъ яшенә җитмәгән балаларга кагылган күпкырлы мәсьәләләр каралды.
Районда балигъ булмаганнар комиссиясендә шулай балалар тәрбияләүдә үз бурычларын үтәмәүче ата-аналарда тикшерелде. Баланың әти–әнисен санламавы, яшүсмернең өйдән чыгып китүе, кичен закон тарафыннан билгеләнгән сәгатьтән соң урамда йөрүе, сыра куллану очраклары һаман да булып тора. Утырышта хокук саклау органнарына рейдлар ярдәмендә контрольне көчәйтергә, мәктәптәге сыйныф җитәкчеләренә үз укучысының нинди шартларда яшәве белән даими кызыксынып торырга кирәклеге турында әйтелде.