«Юрган” ябар чак (Кышка әзерлек чаралары)

«Юрган” ябар чак (Кышка әзерлек чаралары)Язын өшегән виктория тү­тәл­ләрен яки каралган алмагачларны күреп җаныгыз әрнемәс өчен нәкъ менә хә­зер, ягъни октябрь азагында бакчага “юрган” бөр­кергә кирәк.

Ботакларны кисү. Башлыча язгы эш бу. Шулай да корыган, сынган, бөҗәкләрдән яки күгә­ректән зыян килгән ботакларны кисеп алу, мүктән чис­тарту һич артык булмаячак. Язын бик иртә уянганлыктан, карлыган яки крыжовник кебек куакларны беренче чиратта “тунарга”: начарларыннан тыш, куе, карт ботакларын кисәргә кирәк. Кура җиләге куакларын исә, карт һәм куе ботакларын кисүдән тыш, өшемәсен өчен җиргә иеп кую әйбәт. Аннан килеп, агач кәүсә­ләрен агартырга, кәүсәгә балчык измәсе (су кушып, балчыкны каймак халә­тенә китерергә һәм шуңа бер кружка ПВА җилеме өстәп болгатырга) сыларга. Болай эш­ләгәндә, агач кайрысы һава температурасы “уйнаудан” чатнамый. Чатнаган урыннарга хәтта кышын да “садовый вар” яки буяу сылап, һич югында изолента белән чорнап куеп булуын истә тотыгыз (бакчага чыгып йөрү мөм­кинлеге булганда, әлбәттә).