Районы Советының егерме бишенче утырышы узды.

27 ноябрьдә Тукай муниципаль районы Советының егерме бишенче утырышы узды. Анда ТР Дәүләт Советы депутаты Р. Миннегалиевның ярдәмчесе – Э. Хәйретдинов, район прокуроры урынбасары, РФ Эчке эшләр министрлыгының Тукай районы буенча бүлеге башлыгы, район палаталары рәисләре, Совет аппараты һәм Башкарма комитет бүлекләре башлыклары, оешма һәм учреждениеләр җитәкчеләре, гаммәви мәгълүмат чаралары вәкилләре чакырылган иде. Утырышка 44 депутатның 39ы килгән. Утырышны муниципаль район башлыгы, Совет рәисе В. Хаҗиев алып барды.
Көн тәртибенә түбәндәге мәсьәләләр куелды:

1. Россия Эчке эшләр министрлыгының Тукай районы буенча бүлегенең 2013 елның 9 аена хезмәт эшчәнлеге нәтиҗәләре турында.

2. «Тукай муниципаль районы» муниципаль берәмлеге Советының 2012 елның 28 ноябрендә кабул ителгән «2013 елга һәм 2014 һәм 2015 елларның планлы чорына Тукай муниципаль районы бюджеты турында»гы 17/2 санлы карарына үзгәрешләр һәм өстәмәләр кертү турында.

3. «Тукай муниципаль районы» муниципаль берәмлегендә бюджет төзелеше һәм бюджет процессы турында.

4. Эшчәнлекнең аерым төрләреннән алынган табышка бердәм салым салу системасын гамәлгә кертү турында.

5. Тукай муниципаль районы Советының 2012 елның 27 декабрендә кабул ителгән «2013 елга аренда түләвеннән азат ителү яки өлешчә азат ителү ташламалары бирелгән оешмалар категорияләренең исемлеген раслау турында»гы 18/5 санлы карарына үзгәрешләр кертү турында.

Беренче мәсьәлә буенча сүз Россия Эчке эшләр министрлыгының Тукай районы буенча бүлеге башлыгы Роберт Хөснетдиновка бирелде. Аның чыгышыннан соң доклад белән Борды авыл җирлегеннән депутат, законлылык, хокук тәртибе, милли мәсьәләләр һәм халык куркынычсызлыгы буенча даими комиссия рәисе Р. Әбделманова чыкты. Тикшерелгән мәсьәлә буенча карар кабул ителде.

Алга таба депутатлар утырышның көн тәртибенә куелган икенче мәсьәләсен карауга күчте. Аның буенча Кече Шилнә авыл җирлегеннән депутат, бюджет, салым, финанслар hәм икътисад буенча даими комиссия әгъзасы Г. Харитонов чыгышы тыңланды. Карар кабул ителде.

Көн тәртибенең өченче мәсьәләсе буенча сүз Биклән авыл җирлегеннән депутат, бюджет, салым, финанслар hәм икътисад буенча даими комиссия рәисе урынбасары М. Сәхбиевка бирелде. Ахырдан депутатлар әлеге мәсьәлә буенча карар кабул итте.

Көн тәртибенә куелган дүртенче мәсьәлә буенча Шилнәбаш авыл җирлегеннән депутат, бюджет, салым, финанслар hәм икътисад буенча даими комиссия әгъзасы О. Гончарова чыгыш ясады. Тикшерелгән мәсьәлә буенча карар кабул ителде.

Бишенче мәсьәлә буенча Мәләкәс авыл җирлегеннән депутат, бюджет, салым, финанслар hәм икътисад буенча даими комиссия әгъзасы М. Мифодеевның чыгышы тыңланды. Карар кабул ителде. Шуның белән муниципаль район Советының егерме бишенче утырышы үзенең эшен төгәлләде.