Күзәтчелек органнары тарафыннан рөхсәт бирә торган актлар имзаланмаган мәктәпләрдә Чыршы бәйрәмнәре уздыру катгый рәвештә тыела

Яңа ел бәйрәмнәрендә, кышкы каникул көннәрендә мәктәп балаларының исән-иминлеген кайгыртып, профилактик чаралар уздырыла, мәктәпләрне укучыларның җәмәгать урыннарында, табигый һәм ясалма сулыкларда үз-үзләрен тотышы буенча куркынычсызлык, бәла-казаларны, шул исәптән транспорт һәлакәтләреннән кисәтү мәсьәләләрендә аңлату-мәгълүмати эшләр ягыннан ныгыту юнәлешендә һәм ата-аналар белән эш алып барыла, инструктажлар уздырыла, дип, ТР фән һәм мәгариф министры урынбасары Светлана Гыйниятуллина ТРда гадәттән тыш хәлләрне кисәтү, бетерү һәм янгын куркынычсызлыгын тәэмин итү буенча республика комиссиясе утырышында шулар хакында шәрехләде.
Күзәтчелек органнары тарафыннан рөхсәт бирә торган актлар имзаланмаган мәктәпләрдә Чыршы бәйрәмнәре уздыру катгый рәвештә тыела. 20 декабрьдән башлап, республикада балалар куркынычсызлы буенча айлык уздырыла – ТР Мәгариф һәм фән министрлыгы ТР Гражданнар оборонасы һәм гадәттән тыш хәлләр министрлыгы белән берлектә уртак әмер әзерләде, диде С.Гыйниятуллина. Катлаулы һава торышы шартларын исәпкә алып, министрлык тарафыннан муниципалитетларга һава температурасы түбән шартларда чаралар уздыруга таләпләр турында тәкъдим рәвешендәге хатлар җибәрелде. Артык салкыннарда мәктәп автобуслары белән балалар ташу һәм муниципалитетлар чикләреннән алып чыгуны туктату тәкъдим ителә.
Утырышка рәислек иткән ТР Премьер-министры урынбасары Юрий Камалтынов, Чыршы бәйрәмнәренә, Президент чыршысына балаларны китертәчәкбез, шуңа күрә урыннарда балалар утыртып барачак транспортның һәм автобус йөртүчеләрнең тиешле тикшерүләр узуы, балаларның иминлеге өчен җаваплы конкрет кешеләрне билгеләү таләп ителә, дип басым ясап әйтте. С.Гыйниятуллина исә шушы юнәлештә эш оештырылышы белән таныштырды.