ЯҢАЛЫКЛАР

12 май  көнне Кнәз мәктәбендә башлангыч класс укучылары өчен «Шәфкать» халыкка социаль ярдәм күрсәтү үзәге психолог ы Фомина Е. В.чара уздырды.  

 Иске Абдул мәктәпнең 1-7 класс   укучылары белән  "Гиндукуш"  музее "Җиңү таңы" дигән рәсем бәйгесе уздырды. Җиңүчеләр истәлекле бүләкләргә лаек булдылар.

Иске Абдул һәм Мрәс авыллырында Җиңү көненә багышланган митинглар үтте.

  Сәмәкәйдәге митинг та, гадәттәгечә, истә калырлык, күңелләрне кузгатырлык итеп оештырылган иде.   Быелгы тантанага нибары берсе – 89 яшьлек Мансур Гәрәев килә алды. Авылда яшәүче 94 яшьлек Ибраһим Сөләйманов, 89 яшьтәге Мөнәвир Салихов бәйрәмне өйләрендә генә каршылады.Митингта катнашучыларны Сәмәкәй авыл җирлеге башлыгы Зиннур Сәгыйтов, «Ирек» хуҗалыгы җитәкчесе Рөстәм Хаҗиев, район хакимияте исеменнән «Якты юл» газетасы баш мөхәррире Инзилә Әхмәтгәрәева, мәктәп директоры Миргасим Галимҗанов, Сәмәкәй ветераннар советы җитәкчесе Гөлфирә Петрова җылы котлады. 

 "Ак чәчәк" балалавр бакчасының уртанчылар төркеме балалары, тәрбиячеләре Хафизова Гүзәл Зөлфәт кызы белән берлектә, Бөек Җиңү бәйрәме уңаеннан ветераннарыбыз өчен бәйрәм открыткалары әзерләделәр.

 "Ромашка"  (Новотроицкое авылы)балалар  бакчасына йөрүчеләр  Бөек Ватан сугышында һәлак булганнар өчен төзелгән һәйкәл янына экскурсиягә бардылар,алар истәлегенә чәчәкләр салдылар. 

     Җиңү бәйрәменә багышланган тантана Советлар Союзы Герое Нурмый Шарипов һәйкәленә чәчәкләр салудан башланды. Тәрбия эшләре буенча директор урынбасары Ф.А.Муллина укучыларны, укытучылар коллективын бәйрәм белән тәбрикләде. Тарих укытучысы Р.А.Яхина сугыш чорының авырлыклары, ул китергән михнәтләр турында сөйләде. Бәйрәм сугыш каһарманнары истәлегенә куелган һәйкәл янында дәвам итте. Сугыш һәм Хезмәт ветераннарын, тыл батырларын, авыл халкын мәктәп директоры Л.Д.Исхакова бәйрәм белән котлады.  

Учащиеся   Семекеевской школы в сопровождении руководителей посетили    предприятия , рассположенных на территории сельского поселения. 
   Сәмәкәй  авылының 7нче һәм 8нче класс укучылары авыл территориясендә урнашкан хуҗалыкларга һәм предприятияләргә экскурсия ясадылар. Алар "Шильна" җитештерү кооперативында бәрәңге утыртучы, эшкәртүче машиналарны карадылар, Исхаков шәхси хуҗалыгында үрчетелгән тавыклар һәм әтәчләрне , Хуҗиәхмәтов шәхси хуҗалыгында үрчетелгән үгез-бозауларны, сарыкларны күзәттеләр. Экскурсия барысына да бик ошады 

 
 Җиңү бәйрәме алдыннан  Сәмәкәй авыл җирлегендәге ветераннарыбызга Җиңүчеләргә исемле хатлар өләштек. Аларны тагы бер кат якынлашып килүче олы бәйрәм белән котладык, 8нче май көнне үтәчәк бәйрәмгә чакырдык.

7 май көнне Яр Чаллы шәһәренең ял паркында Бөек Җиңүнең 69 еллыгы уңаеннан җиңел атлетика буенча кросс узды.  Новый поселогы мәктәбе укучылары һәм укытучылары бу  ярышта үзләрен  күрсәтә алдылар. Физкультура укытучысы  Егоров А.М  1 урынны,ә геграфия фәне укытучысы  Хәйдарова Г.Л.  2 урынга лаек булдылар. Төркем ,команда 1 урынны яулады.