ЯҢАЛЫКЛАР

Бәтке авыл китапханәсендә Бөек җиңүнең 69 еллыгына багышланган “Сугыш юллары буйлап”исемле китап күргәзмәсе куелды һәм "Безнең ветераннар" дигән фотокүргәзмә оештырылды.  Очрашу "Без 41 ел балалары" дигән  тема астында уздырылды,анда Иванова         Людмила Ивановна  һәм  Давыдова Таисия Матвеевналар катнашты. 

8 май көнне  Княз авыл җирлегендә авылында билгесез солдат һәйкәле янында Бөек Җиңүнең 69 еллыгына багышлап “Батырларның даны мәңгелек!” дип исемләнгән митинг-концерт үткәрелде. Бирегә урта мәктәп, балалар бакчасы коллективлары, тыл ветераннары, авыл халкы җыелды. Тантаналы митингны   авыл җирлеге башлыгы Белова  Тамара  Ивановна  ачып җибәрде. Ул ветераннарга бәйрәм белән тәбрикләү сүзләрен җиткерде.  Митингка катнашучыларга  ветеранар клубы «Надежда» бик матур эчтәлектәге концерт программасы хәзерләгән иде.   

Әҗмәкәй авыл җирлегендә өмәләр дәвам итә. Анда укучылар, авыл халкы,оешмалар катнаша.

 8 май көнне шул уңайдан, авыл клубына очрашуга Бөек Ватан сугышы ветераны Сәдриев Хисаметдин Кыям улын һәм тыл ветераннарын чакырдык. Аларга чәй табыны әзерләдек. Олыгайганнар инде, сугышта күргәннәрен әле һаман тыныч кына сөйли алмыйлар. Ветераннарны котларга Әҗмәкәй авыл җирлеге башлыгы М. Г. Фазулзянов һәм депутатыбыз Р.Р. Галиуллин бүләкләр белән килделәр.

 Бөек Җиңүгнең 69 еллыгын каршы алуга  хәзерлек чаралары алдыннан   күп төрле чаралар уздырылды. Алар:   "Сугыш юллары буйлап" дигән стендлар төзелде , «Сугыш афәте" дигән тематик альбом   барланды,Бөек   полководецлар турында  материаллар тупланды,"Балалар күзлегеннән сугыш"  дигән рәсемнәр күргәзмәсе оештырылды, Тукай муниципаль  районының "Хәтер китабын" яңарту,фото  материаллар туплау ,сугыш чоры хатларынының күчермәләрен барлау өстендә күп эш алып барылды. 

Бөек Җиңүнең 69 еллыгына багышланган  чараларны "Шәфкать" үзәге хезмәткәрләре бик теләп башкаралар һәм оештыра да беләләр.  Алар укучылар белән тәрбия сәкатҗләреуздыралар, кинохроникалар ясыйлар,сугыш турында тешенчәләрне аңлаталар,сугыш афәте турында әңгәмәләр үткәрәләр.  укучылар,тыл ветераннары,авылдашлар белән очрашулар  алып баралар. Укучылар  белән монтаж ,концерт куялар, өлкәннәрне бәйрәм белән котлыйлар

" Миләүшә" балалар бакчасында тәрбияләнүчеләр һәм тәрбияче апалары Иштирәк авылының сугыш ветераны Шайхнур бабай Ризатдиновны Җиңү көне белән котладылар. Шайхнур бабай балаларга ничек итеп Польшага кадәр барып җитүе турында сөйләде. Аның 13 медале 2 ордены бар. Балалар Шайхнур бабай белән аның тормыш иптәше Сәкинә әби - тыл ветеранына үзләренең җырларын, шигырьләрен һәм чәчәкләр бүләк иттеләр.

 Круглое Поле балалар бакчасы «Голубой вагон»  да район тәрбиячеләренең    "Создание языковой среды в группах" дигән практик- семинары узды.  

п. Новый  "Березка"  балалар бакчасында  "Славься, День Победы!","Җиңү таңы- балкый!" дигән кичә узды. Тәрбиячеләр балаларны патриотик рухта тәрбияләргә омтылалар, балалар кечкенә генә булсалар да ,нәрсә ул Ватан ,Тынычлык,Туган ил -дигән төшенчәне белергә тиешләр ,шул уңайдан алар бакчага , поселокта яшәүче тыл ветераннарын кунакка чакырдылар.