ЯҢАЛЫКЛАР

 Тлянче- Тамак мәктәбенең   8 класс  укучысы Юсупова Айсылу у XV Республикакүләм  эзләнү эшләре буенча фестивальдә катнашты һәм     «Химия» юнәлешендә  II дәрәҗә  диплом   белән бүләкләнде(Җитәкчесе  – Ризатдиноа Г.З.).

 Апрельнең соңгы көннәрендә Тлянче-Тамак , Яна Буляк  ,Түбән Суык-Су,  Сәмәкәй,Иске-Абдул ,Калмаш, Новотроицкое мәктәбе укучылары ЯАҖ «Чаллы-Икмәге»нә экскурсиягә бардылар.  Укучылар  ипи пешерү серләре  белән таныштылар,яңа пешкән ипи ,пряникләрне авыз иттеләр. Аларның  "Тортугалия" бару хыяллары тормышка ашсын   , дип телисе генә кала.   

"Гиндукуш" музее  1-7 класслар арасында "Язгы елмаю" фотоконкурсы игълан иткән иде

--
Резеда Якупова

Хәрби хезмәткә чакырылыш вакытында егетләргә хокукый яклау күрсәтү һәм аларның хокукларын тәэмин итүне үтәү максатында “кайнар линия” ачылды, ул 25 майга кадәр эшләячәк. ТРда кеше хокуклары буенча вәкаләтле вәкил, республиканың хәрби комиссариат вәкилләре, ТРның Дәүләт Советы каршындагы яшьләр җәмәгать палатасының хокукый мәсьәләләр һәм төбәк буенча үзара элемтә комиссиясе һәм яшь юристлар союзы әгъзалары төгәл мәгълүмат алырга, бәхәсле хәлләрне аңлатырга ярдәм итәчәкләр. Консультацияләр 8(843)236-40-17, 236-40-98, 236-40-62 телефоннары буенча биреләчәк. 

"Бию хисләрендә" дигән  республика  фестиваль-конкурса катнашып  Мәләкәс мәктәбенең    "Яшьлек"  бию төркеменең кечкенәләр  ансамбле   III  дәрәҗәле   лауреат булды (Җитәкчеләре  Солдатова Татьяна Павловна) . 

Комсомол   мәктәбенең  математика укытучысы  Гайнеева Дилюза Фаткуловна Бөтенроссия"Математика буенча яшьләр арасында чемпионат" та катнашу өчен   Гайнеева Наилә (11 класс)  һәм Сабитова Дарьяне (6 класс)хәзерләгән иде . Төбәкара бәйгедә җиңеп, алар  III дәрәҗә  диплом белән бүләкләнделәр. Укытучысы шулай ук диплом лаек булды.