ЯҢАЛЫКЛАР
Россия Премьер-министры Дмитрий Медведев авыл хуҗалыгы өлкәләренә субсидияләр бирү турында карарларны имзалаган.РФ Хөкүмәте сайтында 2014 елда үсемлекчелекне һәм терлекчелекне үстерү, шул тармак продукциясен эшкәртү һәм сату өчен субсидия билгеләү турында карар чыккан. Карар буенча, Татарстан үсемлекчелеккә 372,2 млн сум, ә терлекчелеккә 212,5 млн сум акча алачак.
2013 нче елда Татарстан Республикасы Тарифлар буенча дәүләт комитеты тарафыннан тарифлар буенча 2600 ләп карар, барлык муниципаль берәмлекләрдә торак-коммуналь хуҗалык өчен түләү буенча төбәк стандартларының 220 меңгә якын күрсәткече кабул ителгән. Бу хакта бүген дәүләт комитетының 2013 нче елгы эшчәнлеккә йомгак ясауга һәм 2014 нче елга бурычлар билгеләүгә багышланган коллегия утырышында комитет рәисе Марат Зарипов хәбәр итте. Утырышта ТР Премьер-министры Илдар Халиков, ТР Дәүләт Советының икътисад, инвестицияләр һәм эшмәкәрлек буенча комитеты рәисе Марат Галиев, ТР муниципаль берәмлекләре советы рәисе Минсәгыйть Шакиров катнашты.
Беренче сорау итеп комитет ТР Пенсия фондының мәҗбүри пенсия иминияте турында Россия законнарына кертелгән үзгәрешләр турындагы мәгълүматны тыңладылар. Бу турыда нотык белән фонд җитәкчесе Марсель Имамов чыгыш ясады. Үз чыгышында ул хәзерге һәм киләчәктәге пенсионерларга, аларның эш бирүчеләренә агымдагы елда ук кагыла торган үзгәрешләргә тукталды. Аның сөйләвенчә, 2014 елда пенсияләр ике тапкыр артачак. Беренче индекслаудан соң (1 февральдән) хезмәт пенсиясе 6 процентка артачак һәм уртача пенсия күләме 10,5 мең сум тәшкил итәчәк. Апрельгә билгеләнгән икенче индекслау нәтиҗәсендә хезмәт пенсияләре – 2 процентка, социаль пенсияләр – 17,6 процентка һәм ай саен өстәмә түләүләр 5 процентка артачак.
Борды авылының «Тәңкәләр» һәм Мәләкәснең «Питрау» фольклор ансамбленең кече төркеме һәм Бордыдан җырчы кыз Диана Чернова «Туым җондызы» фестиваль-конкурсының республика этабында катнаштылар.
Фестивальдә «Питрау» ансамбле беренче урынны алды .«Тәңкәләр» ансамбле солисткасы Диана Чернова аерым җыр белән чыгыш ясап шулай ук беренче урынны алды һәм махсус бүләккә – Диана Мишкина премиясенә лаек булды.