ЯҢАЛЫКЛАР

Кнәз авыл җирлегендә  халык җылышы  үтте. Җыенда авыл башлыгының отчеты тыңланды,2014 елга бурычлар билгеләнелде,сорауларга җаваплар бирелде. Авыл җыенында район башлыгы В. Г.Хаҗиев В. Г. һәм районның төрле оешма башлыклары катнашты. Васил Гариф улы үзенең чыгышында  халыкны  поселокта чисталык булдыруга өндәде,сорауларга җавап бирде.

Кнәз мәктәбендә китапларга сак карау максатыннан, укучыларның китапларын тикшерү буенча рейд үткәрелде. Бу эшне укучылыр Советы һәм китапханәче Романова Галина Николаевна башкарды.

Татарстан поселогы мәдәният йорты каршында - район сәнгать мәктәбенең филиалы ачылды. Аккубекова А.Т. балаларга курай буенча дәрес бирәчәк 

Районда 20.01.2014 ел-01.02.2014 елга чаклы  коррупциягә каршы көрәш буенча республика эксперт төркеме комиссиясе эшли,

15  һәм 16 гыйнвар  көнне   Калмаш авылы китапханәсе гөрләп  торды. Китапханә  мөдире  Сәлихова Гөлсимә  Идрис кызы   укучылар белән экскурсия үткәрде.  Киләчәктә авыл китапханәсенә  йөрүчеләр саны тагын да артыр,дип көтеп кала Гөлсимә ханым .

Узган шимбәдә Яңа поселогында райондашыбыз, Советлар Союзы Герое Нурми Шәрипов истәлегенә чаңгы ярышлары узды. Анда 22 урта мәктәп, Теләнче Тамак тернәкләндерү-интернат мәктәбе, 18 авыл җирлеге командасы составында 160 чаңгычы көч сынашты. 

27  гыйнвар көнне   13.00-16.00 сәгатьләрдә Татарстан Республикасы  Дәүләт Советы депутаты   Әминов Илшат  Юныс улы гражданнарны   кабул итә. Җәмәгать кабул итү бүлмәсе Яр Чаллы шәһәре, ГЭС бистәсе, Есенин урамы, 1 йортта (социаль яклау идарәсе бинасында) урнашкан.  Алдан язылу өчен телефон: 70-37-82.

Иске Абдул  мәктәп укытучылары командасы Княз мәктәбендә үткән волейбол ярышында 1 урынны яулады. Котлыйбыз!

 Комсомол мәктәбенең  9 класс укучысы Березин Дмитрий Греко-рим көрәшендә Татарстан беренчелегендә  2 урын алды.

Узган атнада Казан Кремлендә “Яңарыш” республика фондының Хәйриячеләр китабының IV томын һәм Рәхмәт хатларын тапшыру тантанасы булды. Хәйриячеләргә бүләкләрне ТР Дәүләт Киңәшчесе, “Яңарыш” республика фондының Попечительләр советы рәисе Минтимер Шәймиев тапшырды. ТР Дәүләт Киңәшчесе хәйриячеләрнең әһәмиятле ролен билгеләп үтте, республикада алар ярдәмендә “Яңарыш” проекты тормышка ашырыла. Аларның исемнәре традицион рәвештә Хәйриячеләр китабына кертелә. Тулаем алганда, 2011 нче елдан алып, китапның 4 томына 30 мең хәйрияченең исеме кертелгән. Кайберләре барлык томнарга да кергән. Хәйриячеләрнең өчтән бере үз акчаларын “Яңарыш” фондына ике һәм аннан күбрәк тапкыр керткән. IV томга гражданнарның, оешмаларның һәм предприятиеләрнең исемнәре – барлыгы 8 мең хәйрияче кергән.