ЯҢАЛЫКЛАР

2013 елның 11 – 16 ноябрендә ДПО Федераль дәүләт бюджет мәгариф учреждениесе (ТИПКА) базасында гаилә фермалары башлыклары һәм крестьян-фермер хуҗалыклары җитәкчеләре өчен “АПКда прогрессив технологияләр һәм аларның нәтиҗәлелеге” һәм “Хуҗалык итүнең икътисадый механизмын камилләштерү” дигән ике программа буенчауку дәресләре уздырылачак.

20-21 ноябрь көннәрендә Казан федераль университетының Телләр институты Татарстанның Студентлар лигасы белән берлектә тел белгечлеге белән бәйле булмаган юнәлешләр буенча белем алучы студентлар арасында чит телләрне белүгә “Полиглот” конкурсын үткәрә. Конкурс ике номинация буенча уздырыла: “Полиглот” (ике һәм аннан да күбрәк чит тел) һәм “Тәрҗемәче” (бер чит тел буенча). Бәйге дүрт тел юнәлеше буенча оештырылачак: инглиз, немец, француз, испан телләре. “Полиглот” номинациясендә катнашуның мәҗбүри шарты булып, конкурс программасында күрсәтелгән чит телләрнең, ким дигәндә, икесен белү санала; “Тәрҗемәче” номинациясендә катнашу өчен бер чит телне белү дә җитә. Конкурс тәмамлангач барлык катнашучыларга сертификатлар тапшырылачак.

Ике елдан Россия югары уку йортларына кабул итү тәртибе үзгәрәчәк. Мәгариф һәм фән министрлыгы 2015 елдан студентларны сайлап алганда бердәм дәүләт имтиханын гына түгел, ә башка өлкәләрдәге уңышларын да исәпкә алырга ниятли.