Яшьләр фәнни эзләнүдә

атарстан Республикасы Мәгариф һәм фән министрлыгы Яр Чаллы шәhәре Башкарма Комитеты Мәгариф hәм яшьләр белән эшләү идарәсе һәм ЮҺБ ФДБМУ “Яр Чаллы социаль-педагогик технологияләр һәм ресурслар институты” белән берлектә 2013 нче елның 21 нче декабрендә муниципаль автономияле гомуми белем бирү учреждениесе «Гали Акыш исемендәге 84 нче лицей-интернат» базасында “Яшьләр фәнни эзләнүдә” III республикакүләм фәнни-гамәли укучылар конференциясен үткәрде.
Читтән торып үткән беренче турга 419 фәнни эш килде. Аларны тикшерү өчен, “Яр Чаллы социаль-педагогик технологияләр һәм ресурслар институты”ннан галимнәр, Яр Чаллы шәhәренең мәгълүмати-методик үзәгеннән укытучылар, белгечләр чакырылды.
Фәнни-гамәли конференциядә гомуми белем бирү оешмаларының, гимназия, лицейларның 8–11 сыйныф укучылары катнашты.
Экспертлар һәм килгән кунаклар чыгышларның яхшы әзерлекле, эчтәлекле булуын, конференциянең югары дәрәҗәдә оештырылуын билгеләп үттеләр.
Конференциядә катнашучыларга – сертификатлар, җиңүчеләр, призерлар һәм лауреатларга Татарстан Республикасы мәгариф һәм фән министрлыгының дипломнары тапшырылды.
Урыннар түбәндәгечә бүленде:
Татар теле секциясе:
3 урын – . Исламова Алсу Әнәс кызы, Тукай районы Калмаш урта мәктәбе, 11 сыйныф;
Татар әдәбияты секциясе:
2 урын – Әхмәтҗанова Айназ Айдар кызы, Тукай районы, Биклән урта мәктәбе, 11 сыйныф;
3 урын – Адиева Айсылу Рәдиф кызы, Тукай районы, Калмаш урта мәктәбе, 8 сыйныф;