«Туым Җондозы» Раштуа фестивале гөрләп узды

Узган атнада Круглое Поле мәдәният йортында республикада һәр елны үткәрелә торган «Туым Җондозы» Раштуа фестиваленең якын-тирәдәге берничә район үзешчәннәрен берләштергән сайлап алу туры узды. Тукай районыннан  фестиваль-конкурста Мәләкәснең «Питрау» ансамбленә йөрүче балалар һәм яшьләр, Бордының «Тәңкәләр» ансамбле һәм әлеге фольклор коллективларының аерым солистлары катнашты. 

Керәшеннәрнең гореф-гадәтләрен, йолаларын үз эченә алган бу җыр-бию фестивале бик  матур итеп узды.

Тукай районынан килгән катнашучылар сынатмадылар.

Бордыдан: яшь җырчы кызы Диана Чернованы - I дәрәҗә ,«Тәңкәләр» коллективы- II дәрәҗә диплом белән бүләкләнделәр.

Мәләкәснең «Питрау» ансамбленең балалар һәм яшьләр төркемнәре I дәрәҗә ,Анна Саттарова- II дәрәҗә дипломга ия булдылар, Валерия Михайлова катнашучы дипломына лаек дип табылды.

«Тәңкәләр» һәм ”Питрау” фольклор коллективлары  Казанда үтәчәк республика конкурсына барачаклар.

(Тулы язманы “Якты юл” газетасы  битләреннән укый аласыз)